ᑯᐊᐳᕇᓴᓐ
ᐅᑉᐱᕆᔭᕗᑦ ᐃᖅᑲᓇᐃᔭᖅᑐᑦ ᐃᓕᓐᓄᑦ
ᐃᖅᑲᓴᐃᔭᖅᑏᑦ ᐃᓕᓐᓂᐊᖅᓯᒪᑦᑎᐊᖅᑐᑎ ᐊᒻᒪ ᐊᔪᖏᓐᓂᖃᑐᑎᑦ ᐃᖅᑲᓴᐃᔭᖅᑏᑦ, NEAS ᑐᕌᒐᖓ ᑐᓂᓯᓗᑎ ᑐᓐᖓᕕᒋᔭᔅᓴᐅᔪᒥᑦ ᐃᒪᒃᑯᑦ ᓱᓇᒃᑯᑖᖃᖅᑎᑦᑎᑲᓐᓂᓂᕐᒧᑦ, ᐊᒻᒪᓗᑦᑕᐅᖅ, ᓴᕕᕋᔭᐃᑦ, ᐴᖅᑲᐃᓂᖅ ᐊᒻᒪ ᐱᓕᕿᐊᒧᑦ ᐸᕐᓇᐃᓂᖅ ᐱᔨᑦᑎᖅᑕᓄᑦ ᐅᐸᑦᑕᐅᓂᐊᖅᑐᓄᑦ ᑲᓇᕼᑕᒥ, ᐱᖃᓯᐅᑎᓪᓗᑎ ᐅᖓᓯᑦᑐᒦᑦᑐᑦ ᑲᓇᓐᓇᖓᓂ ᐊᒻᒪ ᐱᖓᓐᓇᖓᓂ ᐅᑭᐅᑕᖅᑐᒥ.
ᐅᒥᐊᕐᔪᐊᑰᖅᑎᑦᑎᓂᖅ ᐊᒻᒪ ᐴᖅᑲᐃᓂᖅ ᐱᓕᕆᐊᕆᔭᕗᑦ ᑭᓯᐊᓂ ᓂᐅᕕᖃᑦᑕᖅᑐᓂᑦ ᐱᔨᑦᑎᕐᓂᖅ ᐱᓕᕆᐊᓪᓗᐊᑕᕆᔭᕗᑦ. ᐊᒥᓱᕈᖅᐸᓪᓕᐊᔪᑦ NEAS ᐅᒥᐊᕐᔪᐊᖏᑦ ᐅᓪᓗᒥᒨᖓᔪᓂᑦ ᐃᓄᓐᓄᑦ ᓇᒻᒥᓂᕆᔭᐅᔪᑦ ᐅᒥᐊᕐᔪᐊᑦ, ᖃᓄᑦᑑᕋᔅᓴᐅᓂᕗᑦ ᐅᒥᐊᕐᑐᓂᕐᒧᑦ ᐊᑐᖅᑕᐅᓂᐊᖅᑐᑦ, ᐱᖃᓯᐅᑎᓪᓗᑎ ᐅᑯᒪᐃᑦᑐᓄᑦ ᑭᕕᔅᓯᔾᔪᑦ ᐊᒻᒪ ᐅᒥᐊᕐᔪᐊᑰᖅᑎᑕᐅᔪᓂᑦ ᓂᐅᕋᐃᔪᓐᓇᑎᐊᓂᕐᒥᑦ, ᓇᕆᒍᐳ ᓂᕈᐊᖅᑕᐅᓕ ᐅᒥᐊᕐᔪᐊᑰᖅᑎᑦᑎᓗᓂ, ᐊᒻᒪ NEAS ᐃᖅᑲᓇᐃᔭᖅᑎᖏᑦ ᐱᔪᒻᒪᕆᒻᕝᓐᓂᑦ ᐱᔨᑦᑎᖃᑦᑕᖅᑐᑦ ᓂᐅᕕᖃᑦᑕᖅᑐᓄᑦ ᐊᑐᓂ ᓄᖅᑲᕐᕕᐅᔪᓂ ᐊᖅᑯᑖᓂy.
ᐱᕈᖅᐸᓪᓕᐊᓂᖓ NEAS ᑐᓐᖓᓂᖃᖅᑐᖅ ᖃᐅᔨᒪᓂᖃᖅᑐᓂ ᐃᖅᑲᓇᐃᔭᖅᑎᑎᓪᓗᓂ, ᐅᒥᐊᕐᕗᐊᓂᑦ ᐊᒻᒪ ᓱᓇᒃᑯᑖᓂᑦ ᓂᐅᕕᓂᕐᒧᑦ, ᐊᒻᒪ ᐊᔾᔨᐅᖏᑦᑐᓂ ᖃᐅᔨᒪᓂᖃᖅᑐᑦ ᐊᔾᔨᐅᖏᑦᑐᓄᑦ, ᐊᐅᓚᓂᖏᓐᓄᑦ, ᐊᕙᑎᖓᓄᑦ ᐊᒻᒪ ᐃᓅᖃᑎᒌᓐᓂᕐᒧᑦ ᐱᑕᖃᕆᐊᓖᑦ ᑲᔪᓯᔾᔪᑕᓪᓗᐊᑕᐅᔪᑦ ᑲᓇᑕᒥ ᐅᑭᐅᑕᖅᑐᒥ ᐅᖓᑖᓄᓪᓗ.
NEAS−ᑯᓐᓂᑦ, ᑐᑭᒧᐊᖅᑎᑕᐅᔪᒍᑦ ᐊᑐᐊᒐᖏᓐᓂᑦ ᑯᐊᐳᕇᓴᒧᑦ ᐃᓅᖃᑎᒌᓐᓂᕐᒧᑦ ᑲᑎᒪᒋᔭᕆᐊᖃᖅᑕᖏᓐᓂᑦ, ᑯᐊᐳᕇᓴᒥᑦ ᐊᐅᓚᑦᑎᑎᐊᕐᓂᖅ, ᐱᓕᕆᖃᑎᒌᓐᓂᖅ ᐊᒻᒪ ᐃᑉᐱᒍᓱᑦᑎᐊᕐᓂᖅ ᑎᒍᒥᐊᖅᑎᐅᖃᑕᐅᔪᓂᑦ, ᐊᒻᒪ ᐱᓕᕆᓂᖃᕐᓂᖅ ᐅᐱᒍᓱᑦᑎᐊᓂᕐᒥᑦ.
ᑯᐊᐳᕇᓴᒧᑦ ᐅᑉᐱᕆᔭᐅᔪᑦ
NEAS ᐊᐅᓚᓂᖏᑦ ᑐᑭᒧᐊᖅᑎᑕᐅᔪᑦ ᑯᐊᐳᕇᓴᒧᑦ ᐅᑉᐱᕆᔭᖏᓐᓄᑦ ᐃᓕᓯᔪᑦ ᐃᓄᓐᓂᑦ, ᓄᓇᓕᒻᒥᑦ ᐊᒻᒪ ᐱᔨᑦᑎᖅᑕᓂᑦ ᐱᓕᕆᐊᓪᓗᐊᑕᕆᔭᑦᑎᓐᓂᑦ.
NEAS ᐃᑲᔪᖅᑐᐃᔪᑦ ᐊᒻᒪ ᓴᖅᑭᔮᖅᑎᑎᓪᓗᑎ ᑲᔪᓯᑦᑎᐊᖅᓯᒪᔪᓂᑦ ᐃᓄᓐᓂᑦ − ᐃᖅᑲᓇᐃᔭᖅᑎᕗᑦ ᐊᒻᒪ ᐱᔨᑦᑎᖅᑕᕗᑦ.
NEAS ᑕᕝᕗᖓᑦᑲᑕᐅᑎᒋ ᐃᑲᔪᖅᑐᑦ ᐃᓅᖃᑎᒌᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᓄᓇᓕᓐᓂᑦ ᐊᑭᑐᓗᐊᑦᑐᓂᑦ ᐅᑭᐅᑕᖅᑐᒥᑦ ᐅᒥᐊᕐᔪᐊᑰᖅᑎᑦᑎᕙᑦᑐᑎᑦ ᐃᑉᐱᒍᓱᑦᑎᖅᐊᕐᓂᖃᖅᑐᑎᑦ ᐊᕙᑎᖓᓂᑦ.
NEAS ᐱᕕᔅᓴᖃᖅᑎᑦᑎᓕᐅᖅᐸᑦᑐᑦ ᐃᓄᓐᓂᑦ ᑐᑭᖃᑦᑎᐊᖅᑐᒥ ᐃᓚᐅᖃᑕᐅᓗᑎ ᐱᕙᓪᓕᐊᑎᑦᑎᓂᕐᒧᑦ ᐱᑕᖃᕆᐊᖃᖅᑐᓂᑦ ᐃᒪᒃᑯᑦ ᐃᖏᕋᑎᑦᑎᓂᕐᒥᑦ. NEAS ᑐᓂᓯᕙᑦᑐᑦ ᐊᔾᔨᒌᔭᐅᖏᑦᑐᓂᑦ ᐃᓕᓐᓂᐊᑎᑦᑎᓂᕐᒥᑦ, ᐃᖅᑲᓇᐃᔭᓂᕐᒥᑦ, ᐃᖅᑲᓇᐃᔮᓂᑦ ᓴᖅᑭᔮᖅᑎᑦᑎᓂᕐᒥᑦ ᐊᒻᒪ ᓇᒻᒥᓂᖃᕐᕕᕈᔅᓴᐅᔪᓂᑦ.
ᑯᐊᐳᕇᓴᓐ ᓴᓇᓯᒪᓂᖓ
NEAS ᑯᐊᐳᕇᓴᓐ ᓴᓇᓯᒪᓂᖓ ᓴᓇᓯᒪᔪᑦ ᑐᓂᓯᓗᑎ ᐱᐅᔪᒻᒪᕆᐊᓗᒻᒥᑦ ᐱᔨᑦᑎᕐᓗᑎ ᐊᔾᔨᒌᖏᑦᑐᓄᑦ ᓂᐅᕕᖃᑦᑕᖅᑐᓄᑦ. NEAS ᑎᒥᖁᑎᖏᑦ ᑎᒥᖓᑦ. ᐅᑯᐊᖑᔪᑦ ᓄᓇᕗᒻᒥ ᑲᓇᓐᓇᖓᓂ ᐅᑭᐅᑕᖅᑐᒥ ᐅᒥᐊᕐᔪᐊᖃᖅᑎᑦᑎᓂᕐᒧᑦ ᑎᒥᖓᑦ, ᐊᒻᒪ NEAS ᑎᒥᖓᑦ.
ᓴᖅᑭᖅᑎᑕᐅᔪᖅ 1998 ᐊᒻᒪ ᐊᖑᔪᖅᑳᖃᖅᕕᖃᖅᑐᑎ ᐃᖃᓗᓐᓂ, ᓄᓇᕗᒻᒥ ᑲᓇᓐᓇᖓᓂ ᐅᑭᐅᑕᖅᑐᒥ ᐅᒥᐊᕐᔪᐊᖃᖅᑎᑦᑎᓂᕐᒧᑦ ᑎᒥᖓᑦ ᑐᕌᒐᖃᖅᑐᑦ ᑐᓐᖓᕕᒋᔭᔅᓴᐅᔪᓂᑦ ᑐᓂᓯᓗᑎᑦ ᐃᒪᒃᑯᑦ ᐃᖏᕋᑎᑦᑎᓂᕐᒥᑦ, ᐊᐅᓪᓚᑎᑦᑎᓂᕐᒥᑦ; ᐴᖅᑲᐃᓂᕐᒥᑦ ᐊᒻᒪ ᓴᕕᕋᔭᓐᓄᑦ ᐱᔨᑦᑎᖅᑕᓂᑦ ᓂᐅᕕᖃᑦᑕᖅᑐᓄᑦ ᕿᑭᖅᑖᓗᒻᒥ, ᑭᕙᓪᓕᖅ ᐊᒻᒪ ᕿᑎᕐᒥᐅᓂᑦ ᓄᓇᕗᑦ. ᓄᓇᕗᒻᒥ ᐅᓯᖃᑕᖅᑏᑦ ᑎᒥᖓᑦ ᐊᐅᓚᑕᐅᔪᖅ ᑲᑎᒪᔨᓄᑦ ᐊᒥᓲᓂᖅᓴᐅᓪᓗᑎ ᐃᓄᐃᑦ ᑭᒡᒐᖅᑐᐃᔪᑦ ᐊᒻᒪ ᓇᒻᒥᓂᖃᓂᕐᒧᑦ, ᐱᖃᓯᐅᑎᓪᓗᑎ ᓇᒻᒥᓂᖃᖃᑕᐅᔪᑦ ᐊᑎᓕᐅᖅᓯᒪᔪᑦ ᓄᓇᕗᒻᒥ ᐱᓕᕆᕕᐅᓪᓗᑎ ᐊᒻᒪ ᐃᓄᓐᓄᑦ ᑎᒥᖁᑎᒋᔭᐅᓪᓗᓂ.
ᓴᖅᑭᖅᑎᑕᐅᔪᖅ 2011, ᓄᓇᕕᒃᒥ ᐅᓯᖃᑕᖅᑏᑦ ᑎᒥᖓᑦ ᐊᒥᓲᓂᖅᓴᓄᑦ ᑎᒍᒥᐊᖅᑕᐅᔪᑦ ᓄᓇᕕᒻᒥ ᐃᓄᓐᓄᑦ ᑯᐊᐳᕇᓴᓄᑦ, ᒪᑭᕕᒃ ᑯᐊᐳᕇᓴᓐ. ᑐᕌᒐᖃᖅᑐᑦ ᑐᓂᓯᓗᑎ ᐱᐅᔪᒻᒪᕆᒻᒥᑦ ᐱᑕᖃᕆᐊᖃᖅᑐᓂ ᐅᒥᐊᕐᔪᐊᑰᖅᑎᑦᑎᓂᕐᒥᑦ ᐊᒻᒪ ᓱᓇᒃᑯᑖᖃᖅᑎᑦᑎᑲᓐᓂᓂᕐᒧᑦ ᐱᔨᑦᑎᖅᑕᓂᑦ 14−ᓄᑦ ᓄᓇᓕᓐᓄᑦ ᓄᓇᕕᒃᒥ ᐊᒻᒪ ᐊᑐᕐᓂᖅᓴᕆᓗᒋᑦ ᓴᖅᑭᐸᓪᓕᐊᔪᑦ ᐱᔭᔅᓴᐅᔪᑦ ᑯᐸᐃᒃ ᒐᕙᒪᒃᑯᖏᓐᓂᑦ Plan Nord.
NEAS ᑎᒥᖓᑦ. ᑐᕋᒐᖃᖅᑐᑦ ᓵᑕᖅᓯᓗᑎ ᐊᒻᒪ ᐊᐅᓚᑦᑎᓗᑎ NEAS ᐅᒥᐊᕐᔪᐊᖏᓐᓂ ᑲᓇᑕᒥ ᐅᑭᑕᖅᑐᖓᓂ. NEAS ᑎᒥᖓᑦ ᐅᑯᑎᒎᓇ ᓇᓄᖅ ᑎᒥᖓᑦ ᐊᐅᓚᑦᑎᓂᕐᒧᑦ, ᖃᐅᔨᒪᓂᖃᖅᑐᓂᑦ ᐱᑕᖃᖅᑎᑦᑎᔪᑦ ᑐᓂᓯᓗᑎ ᐱᐅᔪᒻᒪᕆᒻᒥᑦ ᐱᔨᑦᑎᖅᑕᓄᑦ ᐊᒻᒪ ᐊᐅᓚᑦᑎᓗᓂ ᓯᑯᓯᐅᕈᓐᓇᖅᑐᒥᑦ, ᐊᒻᒪᓗᑦᑕᐅᖅ ᐱᑕᖃᖅᑎᑦᑎᓗᑎ ᐊᔾᔨᐅᖏᑦᑐᒥ ᐊᒻᒪ ᑐᕌᖓᑎᑕᐅᔪᓂᑦ ᐊᐅᓚᓂᖏᓐᓂᑦ ᑲᓇᑕᒥ ᐅᑭᐅᑕᖅᑐᒥ. ᐃᖏᕋᔪᓕᕆᔨᒃᑯᑦ ᓇᓄᖅ ᑎᒥᖓᑦ ᑲᔪᖏᖅᓯᒪᔪᑦ ᐱᔨᑦᑎᑦᑎᐊᓂᕐᒧᑦ, ᐊᑦᑕᓇᖏᑦᑐᒥᑦ ᐊᒻᒪ ᐊᕙᑎᒧᑦ ᐱᐅᔪᒥᑦ ᐊᑐᖅᑕᐅᕙᑦᑐᓂᑦ. ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ ᓴᐳᒻᒥᔾᔨᓂᕐᒧᑦ ᐊᑐᐊᒐᖅ, ᐊᒻᒪᓗᑦᑕᐅᖅ, ISM ᓇᓗᓴᐃᒃᑯᑕᖃᓂᕐᒧᑦ ᓇᓗᓴᐃᖅᓯᔪᑦ ᐱᐅᓂᖓᓄᑦ ᐊᒻᒪ ᒪᓕᓐᓂᖓᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᓂᑦ ᐊᒻᒪ ᐱᑕᖃᕆᐊᖃᖅᑎᑕᐅᔪᓂᑦ ISM ᒪᓕᑦᑕᐅᔭᕆᐊᓕᓐᓂᑦ.
NEAS ᑎᒥᖁᑎᖏᑦ. ᑲᑐᑎᔭᐅᓪᓗᓂ ᓇᒻᒥᓂᕆᔭᐅᔪᖅ ᒪᑭᕕᒃ ᑯᐊᐳᕇᓴᓐ, ᓄᓇᕕᒃ ᑯᐊᐳᕇᓴᖁᑎᖓ, ᐊᒻᒪ ᐃᖏᕋᔪᓕᕆᔨᒃᑯᑦ ᓇᓄᖅ ᑎᒥᖓᑦ, ᓇᒻᒥᓂᖃᖃᑕᐅᔪᑦ ᐃᖅᑲᓇᐃᔭᐅᑎᓄᑦ ᑯᐊᐳᕇᓴᓐ ᐊᒻᒪ ᓂᐅᕕᕐᕕᒃᑯᑦ. NEAS ᑎᒥᖁᑎᖏᑦ ᐊᐅᓚᑕᐅᔪᑦ ᑲᑎᒪᔨᓄᑦ ᐃᓄᓐᓄᑦ ᑭᒡᒐᑐᖅᑕᐅᓪᓗᑎ ᐊᒻᒪ ᓇᒻᒥᓂᖃᖅᑐᑎᑦ.
ᓯᕗᓕᖅᑎᐅᓂᖅ ᐊᒻᒪ ᐃᓱᒪᕈᓘᔭᕐᓂᖅ
NEAS ᐱᓕᕆᓪᓗᐊᖃᑦᑕᖅᓯᒪᔭᖓ ᐊᐅᓚᑦᑎᓂᕐᒥᑦ ᐊᔾᔨᒌᖏᑦᑐᓂᑦ ᐅᒥᐊᕐᔪᐊᑰᖅᑎᑕᐅᔪᓂᑦ ᖃᓄᐃᑦᑑᓂᖏᑦ, ᐱᖃᓯᐅᑎᓪᓗᑎ ᐸᓂᖅᑐᑦ ᑭᓱᑐᐃᓐᓇᐃᑦ, ᓂᐅᕕᕐᕕᒻᒧ ᓂᐅᕕᐊᔅᓴᐃᑦ, ᓄᓂᓇᓯᐅᑏᑦ, ᐃᓪᓗᔅᓴᐃᑦ, ᐅᖁᒪᐃᑦᑐᑦ ᓄᓇᓯᐅᑏᑦ, ᓴᓇᓯᒪᔪᑦ ᐃᓚᖏᑦ, ᐊᑦᑕᓇᖅᑐᑦ, ᐅᓇᑕᖅᑎᓄᑦ ᐊᒻᒪ ᐅᔭᕋᓐᓂᐊᓂᕐᒧᑦ ᓱᓇᒃᑯᑖᑦ ᐊᔾᔨᒌᖏᑦᑐᓄᑦ ᓇᒻᒥᓂᕆᔭᐅᔪᓄᑦ ᐊᒻᒪ ᐃᓄᓐᓄᑦ ᐱᔨᑦᑎᖅᑕᓄᑦ.
NEAS ᐱᓯᒪᒍᓐᓇᖅᑐᑦ ᐊᒻᒪ ᐱᔨᑦᑎᕐᓗᑎ ᐊᑐᓂ ᐅᐸᑦᑕᐅᔪᓂᑦ ᐊᒻᒪ ᓄᓇᓕᓐᓂᑦ ᐊᕕᑦᑐᖅᓯᒪᔪᓕᒫᓂᑦ ᑲᓇᓐᓇᖓᓂ ᐊᒻᒪ ᐱᖓᓐᓇᖓᓂ ᐅᑭᐅᑕᖅᑐᒥ. ᐊᒻᒪ ᓂᐅᕋᐃᕕᒃ ᐊᒻᒪ ᓴᕕᕋᔭᓐᓄᑦ ᐱᔨᑦᑎᖅᑕᓄᑦ ᐊᐅᓚᓂᖏᑦ ᑲᓇᑕᒥ ᑐᓚᑦᑕᕐᕕᖏᓐᓂᑦ.
NEAS ᓴᖅᑭᑎᑦᑎᓯᒪᔪᑦ ᐊᑐᖅᑕᐅᒐᔪᑦᑐᓂ ᐊᐅᓚᓂᖏᓐᓄᑦ ᐊᑐᖅᑕᐅᒋᐊᓕᓐᓂᑦ ᐊᑐᓕᕈᓐᓇᕐᓗᑎ ᓄᓇᓕᒻᒥ ᐃᒪᕐᓄᑦ ᐱᖁᑎᕐᔪᐊᖃᖏᓐᓂᖏᓐᓄᑦ. ᑐᓂᓯᕙᑦᑐᒍᑦ ᓄᓇᓕᒻᒧᑦᓂᐅᔭᐅᔪᓐᓇᖅᑐᓂᑦ ᐱᖃᓯᐅᑎᓪᓗᑎ ᑐᓐᖓᕕᐅᔪᓐᓇᖅᑐᑦ ᓱᓇᒃᑯᑖᖃᖅᑎᑦᑎᑲᓂᓂᕐᒧᑦ ᐱᔨᑦᑎᖅᑕᓂᑦ.
NEAS ᐴᖅᑲᐃᔨᐅᔪᑦ ᓂᕈᐊᕋᔅᓴᖅ ᒐᕙᒪᒃᑯᓐᒻᓄᑦ, ᓂᐅᕕᕐᕕᓄᑦ, ᐃᓪᓗᓕᐅᖅᑎᓄᑦ ᑳᓐᑐᕌᖅᑏᑦ, ᐃᓪᓗᔅᓴᖃᖅᑎᑦᑎᔩᑦ, ᐅᓇᑕᖅᑎᑦᓄᑦ ᑳᓐᑐᕌᖅᑏᑦ, ᐊᒻᒪ ᐊᒥᓱᑦ ᐃᓄᐃᑦ ᐱᔨᑦᑎᖅᑕᐅᔪᑦ ᑐᓐᖓᕕᖃᓕᖅᓯᒪᔪᑦ ᐱᔨᑦᑎᑎᐊᕐᓂᕆᔭᑦᑎᓐᓄᑦ ᐱᖃᓯᐅᑎᓪᓗᓂ ᓴᕕᕋᔭᓐᓂᑦ ᐊᑐᓂᕐᒥᑦ.
ᐅᐸᑦᑕᐅᖄᖅᑐᑎ ᐃᓄᐃᑦ ᓂᐅᕕᐊᔅᓴᓂ ᐃᖅᑲᓴᐃᔭᖅᑏᑦ, ᐃᓄᐃᑦ ᖃᐅᔨᓴᖅᑏᑦ ᓯᔾᔭᒥᑦ, ᐊᒻᒪ ᓴᖅᑭᖅᑎᑕᐅᓂᖓ ᖃᕋᓴᐅᔭᒃᑯᑦ ᐅᒥᐊᕐᔪᐊᑰᖅᑎᑦᑎᓂᕐᒧᑦ ᐊᒻᒪ ᐳᖅᑲᐃᓂᕐᒧᑦ ᐃᓂᔅᓴᓕᐅᕐᕕᒃ, NEAS ᓯᕗᒃᑲᑕᖅᑐᑦ ᓄᓇᓕᒻᒥ ᐱᔨᑦᑎᖅᑕᓄᑦ ᓈᒻᒪᒋᔭᖃᕐᓂᖏᓐᓄᑦ.
ᐊᐅᓚᑕᐅᓂᖏᓐᓄᑦ ᐱᑦᑎᐊᕐᓂᖓ
NEAS ᐱᐅᔪᒻᒪᕆᓐᓂᑦ ᑮᓇᐅᔭᓕᕆᓂᕐᒧᑦ ᐊᒻᒪ ᓇᒻᒥᓂᖃᓂᕐᒧᑦ ᐊᐅᓚᑦᑎᓂᕐᒧᑦ ᐊᑐᖃᑦᑕᖅᑐᑦ.
NEAS ᐊᐅᓚᑦᑎᔩᑦ ᐊᒻᒪ ᐊᖏᔪᖅᑲᐅᑏᑦ ᖃᐅᔨᒪᓂᖃᑦᑎᐊᖅᑐᑦ ᐊᒻᒪ ᐊᑐᖃᑦᑕᖅᓯᒪᓪᓗᑎ ᐊᑦᑐᐊᓂᖃᖅᑐᓕᒫᓄᑦ ᓯᓚᕐᔪᐊᒥ, ᒐᕙᒪᑐᖃᒃᑯᓐᓂᑦ, ᑲᓇᑕᒥ ᐊᕕᑦᑐᖅᓯᒪᔪᓂᑦ/ᐅᑭᐅᑕᖅᑐᒥ ᐊᒻᒪ ᓄᓇᓕᒻᒥ ᒪᓕᒐᐃᑦ, ᒪᓕᑦᑕᑲᐅᔭᕆᐊᓖᑦ, ᐊᑐᖅᑕᐅᔭᕆᐊᓖᑦ, ᐊᑐᐊᒐᐃᑦ ᐊᒻᒪ ᐱᐅᓛᓂᑦ ᐱᓕᕆᓂᖃᖅᑐᑦ ᐃᒪᕐᒥ ᐊᐅᓚᓂᖏᓐᓄᑦ ᐱᖃᓯᐅᑎᓪᓗᓂ ᐃᖅᑲᓇᐃᔭᑐᐃᓐᓇᕐᓂᖅ, ᐊᑦᑕᓇᐃᖅᓯᒪᓂᖅ ᐊᒻᒪ ᐊᕙᑎᒧᑦ ᓴᐳᒻᒥᔾᔨᓂᕐᒥᑦ.
NEAS ᑐᑭᓯᔪᑦ ᖃᓄᐃᑦᑐᓂ ᐊᐱᕆᓂᕐᒥᑦ, ᐱᔪᓐᓇᐅᑎᓂᑦ, ᓚᐃᓴᓐᓯᓂᑦ, ᐊᒻᒪ ᓇᓗᓇᐃᒃᑯᑕᓂᑦ ᐊᖏᖅᑕᐅᓂᖏᑦ ᐱᑕᖃᕆᐊᖃᖅᑐᓂᑦ ᑲᓇᑕᒥ ᐃᒪᒃᑯᑦ ᐃᖏᕋᑎᑦᑎᓂᕐᒥᑦ, ᑭᓯᐊᓂᓕ, ᐱᓕᕆᖃᑦᑕᖅᓯᒪᔪᑦ ᐊᒻᒪ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᖅ ᑖᒃᑯᐊ ᑐᕌᖅᑎᑕᐅᓪᓗᑎ ᐱᕙᓪᓕᐊᓂᐅᔪᑦ ᐱᐅᔪᒥᑦ ᐊᒻᒪ ᖃᐅᔨᕐᓂᖃᑦᑎᐊᖅᑐᑦ, ᒪᓕᓐᓂᕐᒧᑦ ᐊᒻᒪ ᐊᐅᓚᑕᐅᓂᖏᓐᓄᑦ ᑕᒻᒪᖅᓯᒪᖏᑦᑐᓂᑦ.
ᖃᐅᔨᒋᐊᕐᕕᒋᑎᒍᑦ ᖃᓄᖅ NEAS ᓱᓇᒃᑯᑖᖃᖅᑎᑦᑎᔪᒥᑦ ᑐᓂᓯᔪᓐᓇᕐᓂᖓᓄᑦ ᐃᕝᕕᑦ ᑯᐊᐳᕇᓴᖓᓄᑦ ᐃᓅᓃᖃᑎᒌᓐᓂᕐᒧᑦ ᑲᒪᒋᔭᕆᐊᖃᖅᑕᑎᑦ.
