ᖃᓄᖅ ᐅᒥᐊᕐᔪᐊᑰᖅᑎᑦᑎᓂᕐᒧᑦ ᐊᒻᒪ ᐴᖅᑲᐃᓂᖅ

NEAS ᓂᐅᕕᐊᔅᓴᓄᑦ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᔪᑦ ᐃᑲᔪᕐᓗᑎ ᐃᓕᓐᓂᑦ ᖃᖓᑐᐃᓐᓇᒃᑯᑦ ᐅᖄᓚᐅᑎᒃᑯᑦ (1-877-225-6327) ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ([email protected]).

ᐱᖓᓲᔪᓐᓇᖅᑐᑦ ᐃᓂᔅᓴᒧᓕᐅᓂᕐᒧᑦ ᐅᒥᐊᕐᔪᐊᑰᖅᑎᑦᑎᓂᕐᒧᑦ ᐱᒋᐊᖅᑎᓪᓗᒍ:

• ᐱᔭᕇᕐᓗᒍ ᐊᒻᒪ ᑐᓂᓗᒍ ᖃᕋᓴᐅᔭᒃᑯᑦ ᐅᒥᐊᕐᔪᐊᑰᖅᑎᑦᑎᓂᕐᒧᑦ ᐃᓂᔅᓴᓕᐅᓂᕐᒧᑦ ᑕᑕᑎᕆᐊᓕᒃ
• ᖃᕋᓴᐅᔭᒃᑯᑦ ᐱᓗᒍ ᐊᒻᒪ ᑎᑎᕋᖅᑕᐅᑎᓪᓗᒍ ᑕᑕᑎᕆᐊᓕᒃ ᐊᒻᒪ ᑐᓂᓗᒋᑦ ᓱᑲᔪᒃᑯᑦ (1-866-798-8746)
• ᖃᕋᓴᐅᔭᒃᑯᑦ ᐱᓗᒍ ᑕᑕᑎᕆᐊᓕᒃ, ᐃᕝᕕᑦ ᖃᕋᓴᐅᔭᖓᓅᕐᓗᒍ PDF−ᖑᓗᒍ ᐊᒻᒪ ᑐᓂᓗᒍ ᖃᕋᓴᐅᔭᒃᑯᑦ ([email protected])

ᐄᓛᒃ, ᓂᐅᕕᐊᔅᓴᓄᑦ ᐃᖅᑲᓇᐃᔭᖅᑎᕗᑦ ᐊᑐᐃᓐᓇᐅᔪᑦ ᖃᖓᑐᐃᓐᓇᒃᑯᑦ ᐃᓕᓐᓂᑦ ᐃᑲᔪᕐᓗᑎ ᐃᓂᔅᓴᓕᐅᓂᕐᒧᑦ.

ᑐᓂᓯᒪᓕᕈᕕᐅᒃ ᐅᒥᕐᐊᒧᐊᑰᖅᑎᑦᑎᓂᕐᒧᑦ ᐃᓂᔅᓴᓕᐅᓂᕐᒧᑦ ᑕᑕᑎᕆᐊᓕᒃ, ᑐᓂᓯᔭᐅᓂᐊᖅᑐᑎᑦ ᓇᓗᓴᐃᖅᓯᓂᕋᖅᑐᓂᑦ ᐱᔭᐅᓂᖓᓄᑦ ᐊᒻᒪ ᖃᐅᔨᒋᐊᕐᕕᖃᓂᐊᖅᑐᑕ 24−ᓂᑦ ᐃᑲᕋᓂ.

ᐊᐅᓪᓚᖅᖅᑎᑕᐅᓂᖏᑦ ᐊᑦᑕᓇᖅᑐᑦ ᑭᓱᑐᐃᓐᓇᐃᑦ, ᐅᕝᕙᓘᓐᓃᑦ ᐊᑦᑕᓇᖅᑐᑦ ᓱᓇᒃᑯᑖᑦ, ᑐᓐᖓᓂᖃᖅᑐᑦ ᐊᔾᔨᐅᖏᑦᑐᓄᑦ ᐊᐅᓚᑕᐅᓂᖏᓐᓄᑦ ᐊᒻᒪ ᐊᐅᓚᑕᐅᔪᑦ ᓯᓚᕐᔪᐊᒥᑦ ᐃᒪᒃᑯᑦ ᐊᑦᑕᓇᖅᑐᓂᑦ (IMDG) ᐊᑐᐊᒐᖅ.

NEAS−ᑯᓐᓄᑦ ᐱᔨᑦᑎᖅᑕᐅᔪᑦ ᒪᓕᒋᐊᓖᑦ ᑖᒃᑯᓂᖓ ᐊᑦᑕᓇᐃᖅᓯᒪᓂᕐᒧᑦ ᐊᑐᖅᑕᐅᔭᕆᐊᓕᓐᓂᑦ ᐊᒻᒪ ᐱᔭᕇᖅᓯᓗᑎ ᐱᑕᖃᕆᐊᖃᖅᑎᑕᐅᔪᓂᑦ ᐃᖏᕋᔪᓕᕆᔨᒃᑯᓐᓄᑦ ᑲᓇᑕᒥ ᓇᓗᓇᐃᖅᑕᐅᓗᑎ ᐊᒻᒪᓗᑦᑕᐅᖅ ᓴᐊᑦᑕᓇᖅᑕᐃᓕᓂᕐᒧᑦ ᑎᑎᕋᖅᓯᒪᔪᑦ (MSDS) ᐅᓯᔭᖏᓐᓄᑦ.

ᖃᐅᔨᒋᐊᕐᕕᒋᓗᒋᑦ NEAS ᐅᒥᐊᕐᔪᐊᓄᑦ ᐊᑐᖅᑕᐅᓂᐊᖅᑐᑦ ᐃᓱᓕᕝᕕᖏᑦ ᑐᓂᔭᐅᓗᑎ ᐊᑦᑕᓇᖅᑐᑦ ᐅᒥᐊᕐᔪᐊᑰᖅᑎᑕᐅᔪᑦ NEAS−ᑯᓐᓄᑦ. ᐊᑦᑕᓇᖅᑐᓄᑦ ᐴᖅᑲᖅᑕᐅᔭᕆᐊᖃᖅᑐᓄᑦ NEAS−ᑯᓐᓄᑦ, ᖃᐅᔨᒋᐊᕐᕕᒋᒍᒃ “ᓇᓗᓇᐃᖅᑕᐅᓂᖓ ᐴᖅᑲᖅᑕᐅᓂᖓᓄᑦ ᐱᑕᖃᕆᐊᖃᖅᑎᑕᐅᔪᑦ” ᐊᑖᓂᓐ.

ᐃᖏᕋᑎᑕᐅᓂᖏᑦ ᐊᑦᑕᓇᖅᑐᑦ ᐱᓕᕆᐊᖅ

NEAS ᐱᑕᖃᖅᑎᑦᑎᔪᑦ ᐊᑭᑦᑐᕋᐅᑎᖃᑕᐅᔪᓂᑦ ᐊᑭᖏᓐᓂᑦ, “ᐊᑦᑕᓇᕈᓐᓇᖅᑐᓕᒫᑦ” ᐃᒪᒃᑯᑦ ᐅᓯᔭᐅᔪᑦ ᓇᓪᓕᐅᒃᑯᒫᖅ. ᑖᓐᓇ ᓇᓪᓕᐅᒃᑯᒫᖅ ᓴᓇᓯᒪᔪᖅ ᐱᔪᒪᔭᐅᔪᒧᑦ ᐃᑲᔪᖅᑐᓂ ᐅᑭᐅᑕᖅᑐᒥ ᐅᒥᐊᕐᔪᐊᑰᖅᑎᑦᑎᔪᓄᑦ ᐱᑕᖃᕆᐊᖃᖅᑎᑕᐅᔪᓄᑦ.

ᐱᒻᒪᕆᐅᔪᖅ ᓇᓗᓇᐃᕐᓗᒍ ᑖᒃᑯᐊ NEAS−ᑯ ᑭᓪᓕᒋᔪᓐᓇᖅᑕᖓ ᒪᓕᒐᖅᑎᒍᑦ ᐊᑭᓖᑎᑦᑕᐅᓂᕐᒧᑦ, ᖃᓄᑐᐃᓐᓇᖅ ᖃᓄᐃᓕᓂᖃᕋᓗᐊᖅᑎᓪᓗᒍ, $2,775.00 ᐊᑐᓂ ᐅᓯᔭᐅᔪᑦ. ᑕᐃᒪᐃᓐᓂᖓᓄᑦ, NEAS ᐊᑐᓕᖁᔨᔪᑦ ᐅᒥᐊᕐᔪᐊᑰᖅᑎᑕᓕᒫᑦ ᓇᓪᓕᐅᒃᑯᒫᖃᕐᓗᑎ, ᐃᒻᒥᓂᒃ ᓇᓪᓕᐅᒃᑯᒫᓕᕐᓗᒍ ᐅᕝᕙᓘᓐᓃᑦ NEAS ᐅᓯᔭᐅᔪᓄᑦ ᓇᓪᓕᐅᒃᑯᒫᑎᒍᑦ. ᐱᒻᒪᕆᐅᒻᒥᔪᖅᑕᐅᖅ ᐱᔨᑦᑎᖅᑕᐅᔪᖅ ᓇᓗᓇᐃᖅᓯᓗᓂ ᓈᒻᒪᑦᑐᒥ ᓇᓗᓇᐃᖅᑕᐅᓯᒪᔪᓂᑦ ᐊᑭᖏᓐᓂᑦ ᑕᒪᑐᒪᓂᐅᔪᒥᑦ.

ᐅᒥᐊᕐᔪᐊᑰᖅᑎᑕᓕᒫᑦ ᖁᓕᕇᓕᕈᓐᓇᕆᐊᓖᑦ ᐊᒻᒪ ᐃᑦᑕᒍᓐᓇᖏᓪᓗᑎ ᐅᒥᐊᕐᔪᐊᒨᖅᑕᐅᓚᐅᖅᑎᓐᓇᒋᑦ. ᐱᒻᒪᕆᐅᔪᖅ ᐅᒥᐊᕐᔪᐊᑰᖅᑎᑕᓕᒫᑦ ᐴᖅᑲᖅᓯᒪᓗᑎᑦ ᒪᓕᓐᓂᖃᕐᓗᑎ NEAS−ᑯᑦ ᐴᖅᑲᐃᓂᕐᒧᑦ ᐊᑐᐊᒐᖏᓐᓂᑦ. ᑕᐃᒪᓐᓇ ᓇᒧᖓᕆᐊᖃᖅᑕᖓᓅᕐᓂᐊᖅᑐᖅ ᐊᑦᑕᓇᐃᖅᓯᒪᓗᓂ ᐊᒻᒪ ᓱᓯᕋᔅᓯᒪᖏᓪᓗᓂ, ᐊᒻᒪᓗᑦᑕᐅᖅ ᓴᐳᒻᒥᔭᐅᓗᑎᑦ ᐊᒻᒪ ᐊᑦᑕᓇᐃᖅᓯᒪᓗᑎᑦ ᑭᒃᑯᑐᐃᓐᓇᐃᑦ ᐊᐅᓚᑦᑎᔪᑦ ᐃᕝᕕᑦ ᐅᒥᐊᕐᔪᐊᑰᖅᑎᑕᖏᓐᓂᑦ.

NEAS ᐱᑕᖃᖅᑎᑦᑎᔪᑦ ᐅᓪᓗᒥᒨᖓᔪᓂᑦ ᐴᖅᑲᐃᓂᕐᒧᑦ ᐱᔨᑦᑎᖅᑕᓂᑦ, ᐱᖃᓯᐅᑎᓪᓗᑎ ᓴᕕᕋᔭᒨᖅᑕᐅᓂᖏᑦ, ᑲᑎᖅᓱᖅᑕᐅᓂᖏᑦ, ᐊᑕᖐᖏᑦᑐᑦ ᓴᕕᕋᔭᓐᓂᑦ (LCL), ᕿᔪᓐᓂᑦ ᐴᖃᖅᑎᑦᑎᓂᖅ, ᑭᕕᑦᑎᔾᔪᑎᓄᑦ ᑭᕕᑦᑎᔾᔪᑎᖃᖅᑎᓪᓗᒍ ᐊᒻᒪ ᐴᖅᑲᖅᑕᓕᒫᑦ ᐊᓯᖏᑦ ᐅᒥᐊᕐᔪᐊᑰᖅᑎᑕᐅᔪᑦ, ᐱᖃᓯᐅᑎᓪᓗᑎ ᐊᔾᔨᐅᖏᑦᑐᒥᑦ ᐃᓱᒪᒋᔭᐅᔭᕆᐊᓖᑦ ᓄᓇᓯᐅᑎᓄᑦ ᐊᒻᒪ ᓱᓇᒃᑯᑖᓄᑦ.

ᐱᖑᓲᔪᓐᓇᖅᑐᑦ ᐋᖅᑭᔅᓯᓗᓂ NEAS−ᑯᑦ ᐴᖅᑲᐃᓗᑎ ᐃᕝᕕᑦ ᐅᒥᐊᕐᔪᐊᑰᖅᑎᑕᖏᓐᓂᑦ:

• ᐱᔭᕇᕐᓗᒍ ᐊᒻᒪ ᑐᓂᓗᒍ ᖃᕋᓴᐅᔭᒃᑯᑦ ᐴᖅᑲᐃᓂᕐᒧᑦ ᑕᑕᑎᕆᐊᓕᒃ
• ᖃᕋᓴᐅᔭᒃᑯᑦ ᐱᓗᒍ ᐊᒻᒪ ᑎᑎᕋᖅᑕᐅᑎᓪᓗᒍ ᑕᑕᑎᕆᐊᓕᒃ, ᐊᒻᒪ ᑐᓂᓗᒋᑦ ᓱᑲᔪᒃᑯᑦ (1-866-798-8746)
• ᐅᖄ<ᓚᕕᒋᓗᒋ_ ᓂᐅᕕᐊᔅᓴᓄᑦ ᐃᖅᑲᓇᐃᔭᖅᑏᑦ ᐅᕙᓂ (1-877-225-6327)

ᐃᓂᔅᓴᑕᓕᐅᕐᓂᕆᔭᐃᑦ ᐱᔭᕇᖅᑐᖅ ᐊᖏᖅᓯᒪᓕᕈᕕᑦ  ᐅᖃᖅᓯᒪᓂᖏᓐᓄᑦ ᐊᒻᒪ ᖃᓄᐃᓐᓂᕆᒋᐊᓕᖏᓐᓄᑦ ᐃᒪᕐᒥ ᐃᖏᕋᑎᑦᑎᓂᕐᒧᑦ ᑳᓐᑐᕌᖅ ᐊᒻᒪ ᑐᓂᔭᐅᓪᓗᑎ ᐊᑎᓕᐅᖅᓯᒪᔪᒥᑦ ᑳᓐᑐᕌᒥᑦ.

ᓂᐅᕕᔅᓴᓄᑦ ᐃᖅᑲᓇᐃᔭᖅᑎᕗᑦ ᐱᓕᕆᐊᖃᓕᕈᑎ ᐃᕝᕕᑦ ᐃᓂᔅᓴᓕᐅᕐᓗᓂᖓᓄᑦ, ᑐᓂᓯᓂᐊᖅᑐᒍᑦ ᑳᓐᑐᕌᒥᑦ ᐃᓕᓐᓄᑦ, ᐊᒻᒪ ᐊᑐᓕᖅᑎᑕᐅᒍᓂ, ᐱᓂᐊᖅᑐᑎᑦ ᐃᓂᖓᓄᑦ ᓈᓴᐅᑎᖓᓂᑦ ᐱᑕᖃᕆᐊᖃᓂᐊᖅᑐᖅ ᐃᓂᔅᓴᓕᐅᓂᕐᒧᑦ ᑐᓂᔭᐅᓂᖓᓄᑦ ᐅᒥᐊᕐᔪᐊᑰᖅᑎᑕᐃᑦ ᐊᒻᒪ ᓂᐅᔭᐅᑎᓪᓗᒍ.

ᐅᓯᑲᑦᑕᖅᑏᑦ ᐱᔪᓐᓇᖅᓯᓛᓕᕐᒥᔪᑦ ᐅᓯᒃᑲᑦᑕᖅᑏᑦ ᐅᓯᑲᑦᑕᕆᐊᖅᑐᕐᕕᖓᓅᕈᔾᔨᔪᓐᓇᓕᕐᓗᑎᑦ ᐃᓄᐃᑦ ᐱᒋᐊᕐᓗᒍ ᐄᐳᕈᓪ 4^th, 2022 ᐊᒻᒪᓗ ᐅᓯᑲᑦᑕᖅᑏᑦ ᐅᒥᐊᕐᔪᐊᒃᑯᑦ ᐅᓯᓕᖅᓱᐃᕝᕕᖓᓄᑦ ᐱᒋᐊᕐᓗᒍ ᓇᒡᒐᔾᔭᐅ, ᒪᐃ 2^nd, 2022.

ᓄᑖᑦ ᐊᒻᒪᓗ ᐃᓚᒋᐊᖅᑕᐅᓯᒪᔪᑦ ᐊᐅᓚᓂᖏᑦ ᐋᖅᑭᒃᑕᐅᓯᒪᕗᑦ ᑭᒃᑯᓕᒫᑦ ᐊᑦᑕᓇᖅᑕᐃᓕᒪᖁᓪᓗᒋᑦ ᐊᐃᑦᑐᐃᖃᑦᑕᐅᑎᔪᖃᖅᑎᓪᓗᒍ ᓄᕙᓐᓇᕐᔪᐊᕐᒥᒃ-19−ᒥᒃ. ᐅᖃᓕᒫᑦᑎᐊᕐᓗᒋᑦ ᐅᑯᐊ.

ᐅᓯᔭᐅᔭᕆᐊᓕᖁᑎᑎᑦ ᐅᓯᓕᖅᓱᐃᕕᑦᑎᓐᓅᕈᑎᔪᓐᓇᖁᓪᓗᒋᑦ, ᐃᒪᓐᓇᐃᓕᐅᕆᐊᖃᖅᐳᑎᑦ:

ᐋᖅᑮᓗᑎᑦ ᖃᖓᒃᑯᑦ ᐅᓯᓕᖅᓱᐃᕕᑦᑎᓐᓅᕈᑎᒐᔭᕐᒪᖔᖅᐱᒋᑦ ᐅᓯᔭᐅᖁᔭᑎᑦ

• ᐅᓯᑲᑦᑕᖅᑏᑦ ᐅᓯᔭᐅᔭᕆᐊᓖᑦ ᐱᔨᑦᑎᕐᕕᖓ − ᐅᓯᔭᐅᔭᕆᐊᓖᑦ ᐴᖅᑲᖅᑕᐅᔭᕆᐊᓕᖕᓄᑦ – 1-866-908-0807
• ᐅᓯᑲᑦᑕᖅᑏᑦ ᐅᒥᐊᕐᔪᐊᒃᑯᑦ ᐅᓯᓕᖅᓱᐃᕝᕕᖓ − ᐅᓯᓕᖅᓱᑐᐃᓐᓇᕆᐊᓕᖕᓄᑦ – 1-888-908-0000

ᐅᓯᓕᖅᓱᐃᕕᒻᒨᖅᑕᐅᔭᕆᐊᓖᑦ ᐅᓪᓗᑦ ᐃᓱᓕᕝᕕᖏᑦ ᒪᓕᑦᑐᑦ ᐃᒪᐃᓐᓂᐊᕈᕕᑦ:

• ᐅᓯᔭᐅᔭᕆᐊᓖᑦ ᐴᖅᑲᖅᑕᐅᖁᒍᕕᒋᑦ ᐅᓯᑲᑦᑕᖅᑏᑦ ᐅᓯᑲᑦᑕᕆᐊᖅᑐᕐᕕᖓᓄᑦ ᐴᖅᑲᖅᑕᐅᓂᐊᕐᒪᑕ ᐅᓯᑲᑦᑕᖅᑏᑦ ᐅᓯᔭᐅᔭᕆᐊᓖᑦ ᐱᔨᑦᑎᕐᕕᖓᓂ
• ᐅᓯᑎᑦᑎᓂᐊᕈᕕᑦ ᐊᑦᑕᓇᖅᑐᓂᑦ ᓱᓇᒃᑯᑖᓂᒃ ᐴᖅᑲᖅᑕᐅᔭᕆᐊᓕᓐᓂᒃ
• ᐅᓯᔭᐅᑎᑦᑎᒋᐊᖅᑐᕐᓂᐊᕈᕕᑦ ᐴᖅᑲᕇᖅᓯᒪᔪᓂᒃ ᑖᒃᑯᓄᙵᐅᑎᓗᒋᑦ ᐅᓯᑲᑦᑕᖅᑏᑦ ᐅᒥᐊᕐᔪᐊᒃᑯᑦ ᐅᓯᓕᖅᓱᐃᕝᕕᖓᓄᑦ

ᖃᐅᔨᒋᐊᕐᓗᒍ ᐅᓯᑲᑦᑕᖅᑏᑦ ᖃᖓᒃᑯᑦ ᐅᒥᐊᕐᔪᐊᒃᑯᑦ ᐃᖏᕐᕋᓂᐊᕐᓂᖏᑦ ᐃᓱᓕᕝᕕᒋᒐᔭᖅᑕᖏᑦ ᐅᓪᓗᑦ ᖃᖓᒃᑯᑦ ᐅᓯᑲᑦᑕᕕᒻᒨᖅᑎᒋᐊᖃᕋᔭᕐᒪᖔᖅᐱᒋᑦ ᒪᓕᑦᑐᒋᑦ ᓂᕈᐊᖅᓯᒪᔭᖏᑦ ᐅᓯᔭᐅᖁᔭᕕᑦ ᐅᓪᓗᖏᑦ. ᐃᖅᑲᐅᒪᒋᑦ, ᐅᓯᔭᐅᔭᕆᐊᓕᖁᑎᑎᑦ ᐴᖅᑲᖅᑕᐅᓂᐊᕈᑎᑦ ᐊᓯᐊᓄᑦ, ᖃᐅᔨᒪᑦᑎᐊᕆᐊᖃᖅᐳᑎᑦ ᐴᖅᑲᖅᑕᐅᓯᒪᔪᑦ ᒪᓕᒃᑲᓗᐊᕐᒪᖔᑕ ᒪᓕᑦᑕᐅᔭᕆᐊᓕᖕᓂᒃ ᐊᑦᑕᓇᖅᑕᐃᓕᖁᓪᓗᒋᑦ ᐅᕙᓃᑦᑐᑎᑦ ᒪᓕᒋᐊᓕᖏᑦ ᐅᓯᑲᑦᑕᖅᑏᑦ ᐴᖅᑲᐃᓯᒪᔭᕆᐊᖃᕐᓂᕐᒧᑦ ᐅᓯᔭᐅᔭᕆᐊᓖᑦ ᑐᑭᒧᐊᕈᑎᖏᑦ.

ᐅᓪᓗᖓ ᖃᐃᔪᓐᓇᕋᔭᕐᓂᕐᓂ ᓇᓗᓇᐃᖅᑕᐅᓚᐅᖅᑎᓪᓗᒍ, ᐱᒐᔭᖅᑐᑎᑦ ᖃᖓᒃᑯᑦ ᑕᑯᔭᖅᑐᕈᓐᓇᕋᔭᕐᒪᖔᖅᐱᑦ# ᐊᒻᒪᓗ ᖃᖓᒃᑯᑦ ᑎᑭᒃᑲᔭᕐᒪᖔᑕ ᐅᓪᓗᖓᓂᒃ.  ᐅᐸᓐᓂᐊᖅᑲᐃᑦ ᐃᓂᔅᓴᓕᐅᖅᓯᒪᔭᐃᑦ# ᑐᓚᑦᑕᕐᕕᒻᒨᕈᓐᓇᕐᒧᑦ Bécancour  ᐊᑐᖅᑕᐅᕕᒋᓂᐊᖅᓯᒪᔭᖓᓂᑦ ᐅᓪᓗᖓᓂ.

ᖃᕋᓴᐅᔭᒃᑯᑦ ᐊᐅᓪᓚᑎᓪᓗᒋᑦ ᐅᓯᔭᐅᔭᕆᐊᓖᑦ ᑎᑎᕋᖅᓯᒪᓂᖏᑦ (ᐅᓯᔭᐅᓂᖏᖕᓄᑦ ᓇᓗᓇᐃᒃᑯᑕᖓ, ᓈᓴᐅᑎᖓ, ᓂᐅᕕᕐᓂᕐᒧᑦ ᓇᓕᖅᑲᖓ, ᐊᓯᖏᓪᓗ) 24 ᐃᑲᕐᕋᑦ ᑕᐃᑯᙵᐅᑎᓚᐅᙱᓐᓂᕐᓂ ᐱᔾᔪᑎᖃᕐᓂᕋᕐᓗᒍ ᑎᑎᕋᖅᓯᒪᓗᓂ: ᖃᖓᒃᑯᑦ ᑕᑯᔭᖅᑐᕈᓐᓇᕋᔭᕐᒪᖔᖅᐱᑦ# ᐊᒻᒪᓗ ᐊᑎᖓ ᐋᔅᓯᒐᔭᖅᑐᑉ ᐅᕗᖓ ᖃᕋᓴᐅᔭᒃᑯᑦ ᑎᑎᕋᕐᓗᑎᑦ:

• ᐅᓯᑲᑦᑕᖅᑏᑦ ᐅᓯᔭᐅᔭᕆᐊᓕᓐᓄᑦ ᐱᔨᑦᑎᕋᕐᕕᖓ – [email protected]
• ᐅᓯᑲᑦᑕᖅᑏᑦ ᐅᒥᐊᕐᔪᐊᒃᑯᑦ ᐅᓯᓕᖅᓱᐃᕕᖓ – [email protected]

ᐅᖓᓯᒌᖃᑦᑕᐅᑎᓂᖅ ᐊᑐᖅᑕᐅᔭᕆᐊᓕᒃ, ᐊᒻᒪ ᑐᓚᑦᑕᕐᕕᒻᒨᕈᓐᓇᓂᕐᒧᑦ Bécancour ᑐᓂᔭᐅᒍᓂ, ᐅᓯᓂᐊᖅᑐᑦ ᓄᓇᓯᐅᑎᓕᒫᑦ ᓄᓇᓯᐅᑎᖃᕐᕕᒻᒨᕆᐊᓖᑦ ᐊᒻᒪ ᐃᓗᐊᓃᖏᓐᓇᕐᓗᑎ ᓄᓇᓯᐅᑎᖏᓐᓂ. ᐅᓯᑲᑦᑕᖅᑏᑦ ᐃᖅᑲᓇᐃᔭᖅᑎᖓ ᖃᐃᒐᔭᖅᑐᖅ ᐊᒻᒪᓗ ᑎᓕᓯᓗᓂ ᖃᓄᐃᓕᐅᕆᐊᖃᕐᓂᕐᓂ.

ᐋᖅᑮᒍᓐᓇᖅᑐᑎᑦ ᖃᖓᒃᑯᑦ ᖃᐃᔪᓐᓇᕋᔭᕐᒪᖔᖅᐱᑦ ᐋᖅᑮᒍᓐᓇᖅᑐᑎᑦ ᐅᕙᓂ ᐅᓯᔭᐅᔭᕆᐊᓕᖁᑎᑎᑦ ᑕᐅᓄᙵᐅᑎᓗᒋᑦ.

ᐱᑎᑕᐅᓂᐊᖅᑐᑎᑦ ᐊᑭᓕᖅᑕᐅᔪᒪᒧᔾᔪᑎᒥᑦ ᐃᒪᒃᑯᑦ ᐃᖏᕋᑎᑦᑎᓂᕐᒧᑦ ᐅᒥᐊᕐᔪᐊᑰᖅᑎᑕᑎᑦ ᐅᓯᓕᐅᔾᔭᐅᑐᐊᕈᑎ ᐊᒻᒪ ᐅᒥᐊᕐᔪᐊᖅ ᐊᐅᓪᓚᕈᓂ. ᐴᖅᑲᖅᑕᐅᓂᖏᓐᓄᑦ ᐊᑭᓕᖅᖅᑕᐅᔪᒪᔾᔪᑏᑦ, ᐅᒥᐊᕐᔪᐊᑰᖅᑎᑕᑎᑦ ᐴᖅᑲᖅᑕᐅᔭᕇᑐᐊᕈᑎ, ᐊᑭᓕᖅᑕᐅᔪᒪᔾᔪᑏᑦ ᐊᐅᓪᓚᖅᑎᑕᐅᕙᑦᑐᑦ ᐱᓇᓱᐊᕈᓯᑕᒫᑦ. ᖃᐅᔨᒪᔭᐅᔭᕆᐊᓕᒃ ᐴᖅᑲᐃᓂᕐᒧᑦ ᐊᒻᒪ ᐃᖏᕋᑎᑕᐅᓂᖏᓐᓄᑦ ᐊᑭᓕᖅᑕᐅᔪᒪᔾᔪᑏᑦ ᑲᑎᖓᖏᑦᑐᑦ ᐊᑕᐅᓯᕐᒥᑦ.

NEAS ᓄᑖᖅ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐃᓚᒍᑕᖏᑦ ᐱᐅᓯᑎᑦᑎᒋᐊᖅᑐᑦ ᓴᐳᒻᒥᑦᑎᓂᕐᒥᑦ ᐊᒻᒪ ᐊᑦᑎᓪᓕᒋᐊᖅᑎᑦᑎᓗᓂ ᐊᑦᑕᓇᕈᑎᐅᔪᓐᓇᖅᑐᓂᑦ NEAS ᐃᖅᑲᓇᐃᔭᖅᑎᖏᓐᓄᑦ, ᓂᐅᕕᖃᑦᑕᖅᑐᑦ ᐊᒻᒪ ᐃᓄᐃᑦ ᓄᓇᒥᑦ ᐊᒻᒪ ᐃᒪᕐᒥ.

NEAS ᐊᑐᕐᓂᐊᖅᑕᖏᑦ ᐊᓯᔾᔨᖃᑦᑕᖅᑐᑦ ᐅᔾ;ᑕᒫᑦ ᐊᒻᒪ ᓴᖅᑭᖅᑎᑕᐅᓪᓗᑎ ᖃᕋᓴᐅᔭᒃᑯᑦ. ᐅᓇ ᐃᓚᒍᑕᖃᕐᕕᖓ ᖃᐅᔨᒋᐊᖃᑦᑕᕐᓗᒍ ᑎᑭᕝᕕᔅᓴᖏᓐᓄᑦ ᐅᓪᓗᖏᓐᓄᑦ ᐊᓯᔾᔨᕈᓐᓇᖅᑐᑦ ᓯᓚᖓᓄᑦ, ᓯᑯᓄᑦ ᐊᒻᒪ ᐊᓯᖏᓐᓄᑦ ᐱᔾᔪᑕᐅᔪᓄᑦ.

• ᐊᑕᖏᖅᑐᑎ ᓄᓇᓕᒻᒥᑦ ᓱᓇᒃᑯᑖᖃᖅᑎᑦᑎᑲᓂᓂᑉᒥᑦ ᐊᐅᓚᓂᖏᑦ ᒪᓕᓐᓂᖃᕐᓗᑎ ᐊᐅᓚᑕᐅᓂᐊᖅᑐᑦ, ᐱᖃᓯᐅᑎᓪᓗᑎ ᓴᓗᒻᒪᓴᖅᑕᐅᓂᖏᑦ ᐃᓪᓗᐃᑦ, ᓇᔪᖅᑕᐅᔪᑦ, ᐊᒻᒪ ᓂᕿᒃᕖᑦ ᐃᓚᒍᑕᖏᑦ.
• ᓕᐅᔪᖃᕆᐊᖃᖏᑦᑐᖅ ᐅᒥᐊᕐᔪᐊᒥᑦ ᐃᖅᑲᓇᐃᔭᖅᑎᓂᑦ.
• ᐅᖓᓯᒌᖃᑦᑕᐅᑎᓂᖅ ᐃᑉᐱᒋᔭᐅᑦᑎᐊᖏᓐᓇᕆᐊᓕᒃ, ᐊᒻᒪ ᖃᓄᐃᓘᖃᑦᑕᐅᑎᓂᖏᑦ NEAS ᐊᒻᒪ ᓄᓇᓕᒻᒥ ᓂᐅᕕᖃᑦᑕᖅᑐᑦ ᐊᒻᒪ ᐳᓚᕋᑏᑦ ᑭᓪᓕᐊᖅᑎᑕᐅᓂᐊᖅᑐᑦ ᐱᑕᖃᕆᐊᖃᓪᓚᕆᑦᑐᓄᑦ ᐱᔨᑦᑎᖅᑕᓄᑦ.
• ᐃᒻᒥᒧᑦ ᓴᐳᒻᒥᔾᔪᑏᑦ (PPE) ᐊᑐᖅᑕᐅᓂᐊᖅᑐᑦ NEAS ᐅᓯᖃᑦᑕᖅᑎᒃᑯᓐᓄᑦ ᐊᓃᖅᑎᓪᓗᒋᑦ ᓄᓇᓯᐅᒻᒥᑦ ᐊᒻᒪ NEAS ᐅᓯᑲᑦᑕᖅᑏᑦ ᐊᓪᓚᕕᖓᓂ, ᐅᖓᓯᒌᖃᑦᑕᐅᑎᕕᔅᓴᐅᖏᑉᐸᑦ.
• ᐳᓚᕋᖅᑏᑦ ᐅᕝᕙᓘᓐᓃᑦ ᓂᐅᕕᖃᑦᑕᖅᑐᑦ NEAS ᐅᓯᖃᑦᖅᑎᒃᑯᑦ ᐊᓐᓚᕕᖓᓃᑐᖃᕆᐊᖃᔾᔮᖏᑦᑐᖅ.

NEAS ᓂᐅᓯᕙᑦᑐᑦ ᐃᕝᕕᑦ ᐅᒥᐊᕐᔪᐊᑰᖅᑎᑕᖏᓐᓂᑦ ᒪᓕᑦᑐᑎᑦ ᒪᓕᑦᑕᐅᔭᕆᐊᓕᓐᓂᑦ ᐃ;ᐊᓃᑦᑐᓂᑦ ᐅᒥᐊᕐᔪᐊᑰᖅᑎᑕᐅᔪᓂᑦ ᑎᑎᕋᖅᑦᓯᒪᓴᔪᙵᓂᑦ. ᑎᒍᒥᐊᓕᓂᕐᐊᕐᓗᒋᑦ ᐅᒥᐊᕐᔪᐊᑰᖅᑎᑕᑎᑦ, ᐃᕝᕕᑦ ᐅᕝᕙᓘᓐᓃᑦ ᑎᒃᑯᐊᖅᓯᒪᔭᐃᑦ ᑕᑯᔅᓴᐅᑎᑦᑎᒋᐊᖃᖅᑐᓯ ᓇᓗᓇᐃᖏᒃᑯᑕᒥᑦ ᑭᓇᐅᔭᓂᕆᔭᕐᓄᑦ.

• ᐊᑎᓕᐅᖅᑕᐅᑎᓂᖏᑦ ᐅᓯᔭᐅᔪᓄᑦ ᑎᑎᕋᓯᒪᔪᓂᑦ ᐊᒻᒪ ᐊᓯᖏᓐᓂᑦ ᑎᑎᕋᖅᓯᒪᔪᑦ ᐊᑦᑐᖃᑦᑕᐅᑎᔪᒦᔮᖏᑦᑐᑦ NEAS ᐅᓯᖃᑦᖅᑏᑦ ᕿᓪᓕᖓ ᓴᒦᕝᕕᖓ.
• ᓂᐅᕕᖃᑦᑕᖅᑐᑦ ᓇᔅᓴᕿᐊᓖᑦ ᐊᒻᒪ ᐊᑎᓕᐅᕐᓗᑎ ᓇᒻᒥᓂᖅ ᑎᑎᕋᐅᑎᖏᓐᓄᑦ.
• ᐊᑎᓕᐅᕆᐊᖃᖅᑕᐃᑦ ᐅᒥᐊᕐᔪᐊᑰᖅᑎᑕᐅᔪᑦ ᑎᑎᕋᖅᑕᐅᓯᒪᔪᑦ ᐱᔭᐅᑎᓪᓗᒋᑦ ᑭᓱᑐᐃᓐᓇᐃᑦ ᐊᒻᒪ ᑭᓱᑐᐃᓐᓇᐃᑦ ᓱᕋᑦᑐᑦ ᐅᕝᕙᓘᓐᓃᑦ ᐱᑕᖃᖏᑦᑐᑦ ᓇᓗᓇᐃᔭᖅᓯᒪᔭᕆᐊᓖᑦ ᐊᑎᓕᐅᖅᑕᐅᓯᒪᔪᒥᑦ ᑎᑎᕋᖅᑕᐅᓯᒪᔪᓂᑦ ᐃᓗᓕᖏᓐᓂᑦ. ᑖᓐᓇ ᐱᑕᖃᕆᐊᖃᖅᑐᖅ ᐱᓕᓂᕋᓂᕐᒧᑦ ᐃᓕᓐᓅᖅᑕᐅᒍᓂ.

ᐅᓯᓕᕐᓱᖅᑕᐅᔪᑦ ᓴᓂᕌᒍᑦ ᐊᒻᒪ ᓂᐅᔭᐅᔪᑦ ᐅᓯᔭᐅᔪᑦ ᐱᖃᓯᐅᔾᔨᓂᐊᖅᑐᑦ ᓴᓗᒻᒪᖅᓴᐃᓂᕐᒧᑦ ᐊᑐᖅᑕᐅᔭᕆᐊᓖᑦ ᖃᓄᐃᑦᑐᑐᐃᓐᓇᕐᓄ ᓄᓇᓯᐅᑎᒧ ᐊᒻᒪ ᐊᐅᒪᐅᑎᓅᖅᑐᓄᑦ.

ᓄᓇᓕᒻᒧᑦ ᐅᒥᐊᕐᔪᐊᑰᖅᑎᑕᓕᒫᑦ ᓂᐅᔭᐅᔪᑦ ᐊᒻᒪ ᐃᒪᕐᒥ ᐊᐅᓚᓂᖏᑦ ᖁᓛᓂ ᖁᕝᕙᓯᓛᖑᑎᓪᓗᒍ ᐃᒪᖓ ᐊᑦᑐᐃᓂᖃᕆᐊᖃᖏᑦᑐᑦ ᐊᒻᒪ ᐃᑉᐱᒍᓱᑦᑎᐊᕐᓗᓂ ᐅᖓᓯᒌᖃᑦᑕᐅᑎᓂᕐᒥᑦ 2` ᒦᑕᐃᑦ.

1. ᓇᕿᓪᓗᒍ ᐅᒥᐊᕐᔪᐊᑰᖅᑎᑦᑎᓂᕐᒧᑦ ᑕᑕᑎᕆᐊᓕᒃ ᑕᑕᑎᖅᑕᐃᓐᓇᕆᓗᒋᑦ ᐱᔭᐅᔪᒪᔪᓕᒫᑦ.
2. ᓇᓗᓇᐃᖅᓯᓗᓂ ᑭᓱᑐᐃᓐᓇᕐᓂᑦ ᐊᑦᑕᓇᖅᑐᓂᑦ
3. ᐅᔾᔨᕆᑦᑎᐊᕐᓗᒋᑦ ᐅᒥᐊᕐᔪᐊᑰᖅᑎᑕᑎᑦ ᓈᒻᒪᑦᑐᒥᑦ ᓇᓪᓕᐅᒃᑯᒫᓕᖅᓯᒪᓗᑎ ᓱᕋᑦᑐᓄᑦ ᐅᕝᕙᓘᓐᓃᑦ ᔭᒐᑐᑎᓄᑦ
4. ᓇᓗᓇᐃᕐᓗᒍ ᐴᖅᑲᐃᓂᕐᒧᑦ ᐱᑕᖃᕆᐊᖃᖅᑎᑕᐅᔪᑦ
   • ᐄ, NEAS−ᑯᓐᓄᑦ ᐴᖅᑲᖅᑕᐅᔭᕆᐊᓖᑦ ᐊᒻᒪ/ᐅᕝᕙᓘᓐᓃᑦ ᓴᕕᕋᔭᒻᒨᖅᑕᐅᓗᑎ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᖃᓄᐃᓕᓂᖃᖏᓪᓗᑎ ᐊᐅᓚᖅᑎᑕᐅᓗᑎ ᐅᒥᐊᕐᔪᐊᑰᖅᑎᑕᒃᑲ
     • i. ᐱᔭᕇᕐᓗᒍ ᐊᒻᒪ ᑐᓂᓗᒍ ᖃᕋᓴᐅᔭᒃᑯᑦ ᐴᖅᑲᐃᖁᔨᓂᕐᒧᑦ ᑕᑕᑎᕆᐊᓕᒃ
   • ᐋᒡᒐ, ᐅᒥᐊᕐᔪᐊᒃᑰᖅᑎᑕᒃᑲ NEAS−ᑯᓐᓅᕈᔾᔭᐅᓂᐊᖅᑐᑦ ᐱᓕᕆᕕᖓᓄᑦ ᒎᖅᑲᖅᓯᖅᒪᒌᕐᓗᑎ
     • ᕿᒥᕐᕈᓗᒍ NEAS ᐴᖅᑲᐃᓂᕐᒧᑦ ᐊᑐᐊᒐᖏᑦ ᐊᒻᒪ ᖃᐅᔨᒪᑦᑎᐊᕐᓗᒋᑦ ᐅᒥᐊᕐᔪᐊᑰᖅᑎᑕᑎᑦ ᑎᑭᑦᑎᒐᓗᐊᕐᒪᖔᑕ ᑖᒃᑯᓂᖓ ᐱᑕᖃᕆᐊᖃᖅᑎᑕᐅᔪᓂᑦ
5. ᕿᒥᕐᕈᓗᒍ NEAS ᐅᖃᖅᓯᖅᒪᓂᖏᑦ ᐊᒻᒪ ᖃᓄᐃᓐᓂᕆᒋᐊᓕᖏᑦ ᐊᒻᒪ ᐊᑎᓕᐅᕐᓗᒍ ᐊᒻᒪ ᐅᑎᖅᑎᓪᓗᒍ ᑳᓐᑐᕌᕆᔭᐃᑦ(ᑎᑦ)
6. ᓇᓗᓇᐃᑦᑎᐊᕐᓗᒍ ᐃᒪᒃᑯᑦ ᐃᓂᔅᓴᓕᐅᓂᕐᒧᑦ ᓈᓴᐅᑎᖓ ᐊᐅᓪᓚᑎᑦᑎᕕᐅᓂᐊᖅᑐᑎᑦ ᑳᓐᑐᕌᖅ ᐱᔭᕇᖅᓯᒪᓕᕈᓂ
7. ᑕᑯᔭᐅᕕᔅᓴᓕᐅᕐᓗᑎᑦ ᑐᓂᓂᐊᕐᓗᒋᑦ ᐅᒥᐊᕐᔪᐊᑰᖅᑎᑕᑎᑦ ᒪᓕᓐᓂᖃᕐᓗᑎ ᐱᖓᓲᔪᓐᓇᖅᑐᓂᑦ ᓴᖅᑭᖅᑎᑕᐅᓯᒪᔪᙵᑦ ᑭᓪᓕᒋᒋᐊᓕᖏᑦ ᐅᑯᓄᖓ:
   • ᐅᒥᐊᕐᔪᐊᑰᖅᑎᑕᐅᔪᑦ ᐴᖅᑲᖅᑕᐅᔭᕆᐊᓖᑦ NEAS−ᑯᓐᓄᑦ ᐅᒥᐊᕐᔪᐊᑰᖅᑎᑕᐅᔪᓄᑦ ᐱᔨᑦᑎᕐᕕᒃ
   • ᐊᑦᑕᓇᖅᑐᑦ ᐴᖅᑲᖅᑕᐅᔭᕆᐊᓖᑦ NEAS−ᑯᓐᓄᑦ
   • ᐅᒥᐊᕐᔪᐊᑰᖅᑎᑕᐅᔪᑦ ᐴᖅᑲᖅᓯᒪᔭᕇᖅᑐᑦ ᐊᒻᒪ ᐅᓯᔭᐅᕕᒻᒨᕈᓐᓇᓯᓪᓗᑎ
8. ᐅᒥᐊᕐᔪᐊᒃᑰᕈᑎᔭᑎᑦ ᑐᓂᓗᒋᑦ ᐊᒻᒪ ᐱᓯᒪᓗᒍ ᓇᓕᖅᑲᖓ ᖃᐅᔨᒋᐊᕐᕕᒋᔪᓐᓇᓂᐊᕐᓗᒍ
9. ᖃᐅᔨ_ᒋᐊᕐᕕᒋᓗᒍ ᑮᓇᐅᔭᓕᕆᔨᕗᑦ ᐋᖅᑭᔅᓯᓗᓂ ᐊᑭᓖᕙᓪᓕᐊᓂᕐᒥᑦ ᐊᑭᓕᕋᔅᓴᓂᑦ
10. ᖃᐅᔨᒋᐊᕐᕕᒋᖃᑦᑕᕐᓗᒍ ᐊᑐᖅᑕᐅᓂᐊᖅᑐᑦ ᓄᑖᖑᓛᓂ ᑎᑭᕝᕕᔅᓯᓴᖏᓐᓄᑦ ᐃᕝᕕᑦ ᓄᓇᓕᖓᓄᑦ
11. ᖃᐅᔨᒋᐊᕐᕕᒋᓗᒍ ᓂᐅᕋᐃᕕᐅᔪᒥᑦ ᐃᖅᑲᓇᐃᔭᖅᑏᑦ ᐅᒥᐊᕐᔪᐊᖅ ᑎᑭᑦᑎᓪᓗᒍ ᐊᒻᒪ ᕿᒥᕐᓗᒍ ᐃᓗᓕᖏᓐᓄᑦ ᑎᑎᕋᖅᓯᒪᔪᑦ. ᐊᑎᓕᐅᕐᓗᒍ.